மதுராஷ்டகம்

இதழ்கள் இனிமை முகமும் இனிமை
விழிகள் இனிமை சிரிப்பும் இனிமை
இதயம் இனிமை நளினம் இனிமை
இனிமை தன்னின் அரசன் அவனே
இனிமை அவனில் யாதும் இனிமை
இனிமை தவிர வேறொன் றிலையே

2

வார்த்தை இனிமை நடத்தை இனிமை

உடைகள் இனிமை நடையும் இனிமை

நகர்தல் இனிமை திரிதல் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

3

குழலும் இனிமை மலரும் இனிமை

கைகள் இனிமை கால்கள் இனிமை

நடனம் இனிமை நட்பும் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

4

பாடல் இனிமை குடித்தல் இனிமை

உண்ணல் இனிமை உறங்கல் இனிமை

வடிவம் இனிமை திலகம் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

5

செயல்கள் இனிமை நீச்சல் இனிமை

திருடல் இனிமை லீலை இனிமை

கோபம் இனிமை சாந்தம் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

6

மணிகள் இனிமை மாலை இனிமை

யமுனை இனிமை அலைகள் இனிமை

நீரும் இனிமை  கமலம்  இனிமை

அவனால் யாவும் அடையும் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

7

கோபிகள் இனிமை லீலைகள் இனிமை

அவனுடன் இனிமை அனுபவம் இனிமை

அடங்கிடும் பாவனை கடைக்கண் பார்வை

கிடைத்திட இனிமை கிடைத்திடாப் பெருமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

8

இடையர் இனிமை பசுக்கள்   இனிமை

*கோலும் இனிமைக் *கோளம் இனிமை

லீலை இனிமை பலனும் இனிமை

இனிமை தன்னின் அரசன் அவனே

இனிமை அவனில் யாதும் இனிமை

இனிமை தவிர வேறொன் றிலையே

*கோல்=மேய்க்கும் குச்சி *கோளம்=அண்டம்

__________________________












PLEASE Do not miss this one



______________________